S’Alleantza Frantzesa in su mundu

Fundada in su 1883, s’Alleantza frantzesa tenet s’iscopu de azudare sa limba frantzesa a creschere e de fagher cambios de cultura in d’una rete in tottu su mundu, connota e cufrimmada. In die ’e oje, s’agatat in 136 istados ispaghinados in tottu su pianeta, irfruttende sa rete sua costituida de pius de 800 associaziones. Cad’annu sas Alleantzas frantzesas retzin e ospitan in sas letziones issoro mesu milione ’e istudentes; permittin a ses miliones de pessones de benner a sas festas, sas seradas, sos vortaedies de musica, de arte, letteradura, a sas mostras e atteros eventos chi an ammaniadu.
Sas Alleantzas frantzesas sunu associatziones de su locu, s’iscopu issoro no est a collire inare, sichin sa lezes de s’istadu uve sunu. Naschin dae s’impegnu — o s’impinnu — de zente chi l’aggradat su frantzesu (muttimulos "francofilos"), chi las faghen creschere, triballende su bonu ’e sas vortas de badas. Custas associatziones, cun sa zente chi di nde occupat, azudan sa vida culturale de sas tzittades e de sas viddas.