Version imprimableChie faghet sas letziones in s’Alliance frantzesa est solu zente de limba frantzesa chi tenet esperientzia in custu campu.
Pro cumponner sos gruppos usamus su Cuadru comune europeu de referentzia pro sas limbas (QCERL in italianu) chi distinghet ses livellos, dae su A1 pro sos printzipiantes a su C2 pro sos pius bravos, e puru ateros livellos pius fines e pius minores a intro ’e onzi livellu. Onzi cumpetentzia est istudiada comente poden esser sa ’e cumprendere, sa ’e iscriere, sa grammatica, su lessicu, sa pronuncia e gai tottu, cun d’un’attentzione pius manna a su vaeddu chin est fattu su bonu ’e su tempus in limba frantzesa.
Su livellu de sa zente a intro ’e unu gruppu est su matessi; de solitu b’at unas tres, battor, chimbe o ses pessones (belle ’e mai de pius), ma podimus fagher letziones individuales o in duos puru. Cun custos criterios e numeros bascios sa calidade de su gruppu est garantia.
Tipos de cursos:
- Cursu de frantzesu generale
- Cursu de vaeddu
- Cursu de preparatzione a sos esames DELF-DALF, TCF
- Letziones individuales
Iscontos: dae su ’e duos cursos in sus si faghet un iscontu (pedire a sa segreteria pro pius particolares).
Libru de istudiu: non b’at unu libru e bia ma venit seperadu secundu sa classe, su livellu, s’iscopu de s’istudiu, pro chi siat adattu a su gruppu.
Accordos cun sas ateras Alliances frantzesas: Cherides a andare a foras pro istudiare sa limba, per esempiu in Frantza? Faghide s’iscritzione in s’Alliance frantzesa de Casteddu e su bonu ’e sas ateras Alliances de oras, in ateras tzittades mescamente in Frantza, nos poden faghere un iscontu pro vois. Si setzis pessende de fagher unu fiazu de custu tipu, dimandadenos!
